|
| Home |
Dorf | Kirche St. Idda | Schule / Freizeit | Pflanzen / Tiere | Stimmungsbilder |
| Ereignisse | Dampfschiffe / Urnersee | Umgebung | Früher | Uri Spezial | Bauen Tourismus |
| KATZENMUSIK IN BAUEN Februar 2006 Der Katzenmusikverein Bauen wurde im Jahre 1975 gegründet und zählt heute zirka 60 Mitglieder. Der Verein bezweckt die Aufrechterhaltung und die Belebung des fasnächtlichen Treibens in Bauen. Herzlichen Dank an M. Scherer für das Video. Und nun für alle, die gerne mitspielen möchten, die Noten dazu:  Link zu Video Katzenmusik Aus dem Gedichtband von Franz Mattli D'Chatzemüsig Was isch im Hellegässli los Am Morge frieh im Dunkle? Es schynt mer nid ganz g'hyrig z'si, Me g'heert Verschiedenes munkle. Es schlychet dure Näbeldunst So uvertrüti G'stalte, Die sich im stille Schutz d'r Nacht Verdächtig ganz verhalte. Mich wundrets, was für Schabernack Derhinder wohl mag stecke. Es wird doch nid d'r Bolschewik En Staatsstreich gar üshecke? S'isch nid so g'fährlig, wie me meint. Die Lyt sind nid so lüsig. Es sammlet sich zum Friehkonzärt Im "Heefli" d'Chatzemüsig. Bumm! teent d'r ersti Paikeschlag, Dass d'Vegel gäch erwachet Und de setzt d'Chatzemüsig i, Dass alli Balke chrachet. Mit Ysestäb und alte Bläch, Mit Trychle und mit Schälle, Mit Pfannedeckel gross und chly. Die hend en lüti Gälle. So ziehnd's dur d'Strasse üf und ab, Dass alli Pfeister zittret, Und sygets ai gäg Diebesg'sind Mit Ysestäb vergittret. S'isch wirkli guet, dass d'Bluemesteck Nu sind versorgt im Chäller, Susch nämtits nu en Gump uf d'Strass Mitsamt em G'schirr und Täller. Die Chatzemüsig het d'r Rat Scho welle unterdricke. Doch d'Ürner hend hert Stierechepf Und tiend nid gärn sich bicke. Sy hend em Rat en Nase dreiht Und müsizieret wyter, Und wenn sy epper zwinge wett, Sy chämtit de mit Schyter. Wer isch empfindli und d's Krakehl, Wills Gott, nid mag verlyde, Der schopp mit Watte d'Ohre zue Und sell d'r Fläcke myde. Ja, d'Chatzemüsig isch nid fyn, Doch het sy Chraft und Rasse. Ich hoff, sy teen nu vili Jahr Am "Schmutzige" dur d'Gasse. Franz Mattli Mys Ürnerland Druckerei Huber, Altdorf |
| HERZLICHEN DANK FÜR DEN BESUCH UND IM VORAUS AUCH FÜR EIN FEEDBACK! EVELYNE SCHERER | Kontakt |