|
Franz
Mattli
D'r Üristier
Fast
jede Stand het i sym Wappe
En
Adler, Bär und suscht es Tier.
Mier
Ürner aber hend sit Altem
Uf
gälbem Grund en schwarze Stier.
Me
list i längst vergilbte Biecher,
D'r
Ür heig friecher g'hüst im Land,
Es
Tier voll Agriffslust und Stärchi,
Mit
dem d'r Mänsch g'ha schwäre Stand.
Doch
Chraft und Muet vo dene Stiere,
Die
hend de Ürner imponiert,
Drum
hend sy de i spetere Zyte,
En
Stieregrind im Wappe g'fiehrt.
D'r
Ürner isch en fryne Tschooli.
Doch,
gilt's d'r Kampf fir Wyb und Chind,
Zeigt
er em Find die spitze Herner
Und
ai sy herte Stieregrind.
Und
ebs de haiwi oder stächi,
Sy
Chopf wird eifach durezwängt.
Er
schittlet wild sy Stierenacke,
Bis
jedes fremd Joch isch versprängt.
Denn
fry si will d'r urchig Ürner,
Wie
syni Bärg im Morgerot
Und
lieber, als i Chnächtschaft läbe
Im
eigne Land, wett er d'r Tod.
Franz
Mattli
Mys Ürnerland
Druckerei Huber, Altdorf
1936
|
|
